Избрание вкратце (по публикации А. Н. Попова).

А. Н. Попов. С. 508–541.

 

Избрание вкратце отъ книги глаголемыя Космографія, еже глаголется описаніе всего свѣта, и изыскана и написана отъ древнихъ ѳилосовъ и преведена съ Римского языка на Словенскій.

 

(По списку Хронографа 1696 года; варианты изъ списка В. М. Ундольского, № 1185, въ л., конца 16 вѣка).

 

ПРЕДИСЛОВІЕ.

 

Искони всемудрый Богъ создавъ человѣка отъ земля умна и словесна в разсудителна и самовластьствомъ почти его. покоривъ же ему видимыя твари вся еже есть скоти и звѣри и птицы и вся яже ходящая и въ водахъ пребывающая, и повелѣния положивъ ему да творитъ яже на угожденіе Богу, потомъ же и на промышленіе своему жителству да смотритъ полезная и лутшая и о томъ да приноситъ хвалу премудрому хитрецу Богу. А понеже первый человѣкъ Адамъ преступивъ заповѣдь Божію и сего ради смертію осудися, по немъ же отъ него рожденіи человѣцы по премногу прогнѣваша содѣтеля тѣмъ же и потопленъ есть первый миръ водами. И паки по потопѣ всещедрый Богъ отъ единаго человѣка Ноя праведного и его чадъ, ихъ же соблюде отъ воды потопа въ ковчегѣ, наполни премногій миръ яко песокъ въ скрай моря, преступленія человѣческа облегчи и знаменіе положи на небеси, яко не къ тому наведетъ потопъ на землю и паки намножишася человѣцы бесчисленныи и кождо, яже угодно сластолюбію ихъ, къ сему привлачаху сердцемъ и отъ сихъ приразишася художествомъ, имъ же навыкоша яко же Еллини по прѳмногому творчествію и ѳилосовству и риторству и витійству: Перси же и Вавилоняне смотряще небесная двизания и отъ сихъ научишася звѣздочетію, въ нихъ же прилучая человѣческая и счастия полагаху, Египтяне же гіометріи, еже есть землемѣріе, но обаче осуетишася вси сіи въ помыслехъ и вмѣсто еже прославити творца, почтоша и поклонишася твари безумно, имъ же и жертвы принесоша; обаче мнози отъ ѳилосоѳъ быша воздержницы и житіе чисто имѣша, всячески удаляющеся женского смѣшенія и винопитія, и воздержанія излиха возлюбиша, отъ нихъ же многимъ человѣколюбивый Богъ попусти со прочими изысканіи и истиннѣ коснутися, и мнози мужіе и жены пророчествоваху о Христѣ, и нарицахуся филосоѳи и смотревѣдцы, отъ нихъ же нѣцыи рѣша яко филосоѳія глаголется любомудрия, состоитъ же ся седмию мудростьми; еже есть первая: многосложная ортограѳия; вторая же: риторія, рекше многоя сказанія въ мале словеси обяти ясно показати вся; третія: диалектика еже есть во многихъ препинателное толкованіе отъ нихъ же изыскуется истина; четвертое: Богословная сказанія, глаголемая соѳистикиа, аже суть едва постижно человѣческому естеству и се темъ елицы разумомъ зело остри и многоучени и присно прилежаще священному писанію и ѳилосовскому ученію, мирскихъ нечистотъ и блажненій, и винопития всячески отбѣгающе; пятая: сладкопѣснивая мусикия; шестая же: еже устроити зелія на врачевания человѣкомъ; седмая же геометрія еже есть землемѣрія, въ ней же и ареѳметика скорочиеленная и многопамятная сказания; осмая превышшая ѳилосоѳія именуется путь ко спасению, еже отбѣгнути всѣхъ мирскихъ похотей и прилѣнитися единому Богу и воплоти ангеломъ сожителствовати, еже общею рѣчию зовома память смертная, ея же мнози вожделѣша, мало же сподобишася получити. Сия же доздѣ, коснемъ же ся прочее космограѳіи, яже есть описанія свѣта и населенія человѣческимъ множествомъ.

О раздѣленіи земли сыновъ Ноевыхъ. По потопѣ всея земли праведнаго Ноя трехъ сыновъ его, Симъ. Хамъ, Афетъ, раздѣлиша себѣ землю на три части, яко же глаголетъ блаженный Моисѣй пророкъ въ книге Бытейстей, и взявъ первый сынъ Симъ востокъ, Хамъ же полуденные страны, Аѳетъ же и полнощъныя страны. И отъ нихъ мнози человѣцы росплодишася и наполнила землю, и иже по нихъ древніи быша ѳилосоѳи нарекоша Симову часть Асіа или Азиія, яко оттолѣ имутъ начало великія моря и рѣки и солнце восходить. Хамову же часть полуденную страну нарекоша Аѳрику, теплоты ради солнечныя и тамо пребывающихъ ради звѣрей и родовъ и птицъ иже всегда въ теплотѣ пребываютъ, сего ради и не вся страна та человѣки населена есть премногие ради теплоты и жаровъ, ими же жегоми суть. Третію же часть, западную и полнощную, нарекоша Европію, отъ имянованія нѣкия дѣвицы Еуропы, дщери Агинора царя Сирского, юже волшвеніемъ восхити Таврей царь Критцкіи и преплывъ съ нею Отланское море къ западу широтою сто двадесять верстъ и поятъ ю себѣ въ жену, и страну ту и весь западъ и полнощіе нарече во имя ея Еуропа.

Часть глаголемая Азія. Первая часть Сима, сына Ноева, глаголемая Азія, начинается отъ востока великого моря Окіяна и отъ рѣкъ великихъ Ѳисона и Геона, и иныхъ иже исходятъ изъ рая и протязаются къ полудню даже да Ѳарсисъ и до моря Чермнаго Египецкого. Въ ней же различный родове, яже суть Персы, Халдѣи и Индѣи многочисленныи гради имуще. зданіемъ и красотою чюдни, и богатствомъ кипящи, и пространство свое имуще даже до Китайского і Богдайского великого царства и до земли. глаголемыя Сибирь, въ ней же различни роди мнози человѣческій, яже послѣди о ней реченно будетъ. Имать же въ себѣ и великое езеро Савастійское, его же величества ради и множества ради въ немъ животныхъ, рыбъ и зверей обыкоша человѣцы звати Хвалимскимъ моремъ, Латинскомъ же языкомъ нарицается Касписъ. ему же присѣдятъ мнози языцы: Ивори, и Армени, и Персы, и Бугары, и Черкасы горские, и Нагаи и иніи поганстіи языцы. иже никогда познаша истиннаго Бога нашего, кромѣ Иверские земли и части нѣкія Арменъ. Имать же часть сія Азія в себѣ злато и серебро и каменія драгая, и корения розличная, хлѣба же мало, точію пшено и ячмень.

Вторая часть Ноева сына Хама. Вторая часть сына Ноева Хана нарицается Аѳрика: начинается отъ Китайского и Богдойского государства, отъ рѣки Нила, отъ острова великаго глаголемаго Мерое, протаваетъ же ся до Чермнаго и къ полудню до Понтійского моря, еже глаголется Черное море, даже до Херсона Понтійского и паки взимаяся къ востоку до Еѳіопскаго [Епиѳойскаго — У.]  великаго моря и къ западу до Бѣлаго моря. Имать же страны и царства различны: Египетъ, и Александрію, и Сирію, и Палестину, и Антмохію, и Ерусалимъ, и Дамаскъ, и Карѳагенъ, н Биринею, и Ливню и Капайдокію і другие преславныя грады, иже преже имяху особныя цари и владяху многими странами. Имать же часть сия и Лавиринѳъ преславный градъ, дѣло нѣкоего премудра мужа Виницыя именемъ, иже ни начала ни конца въ немъ познати нѣсть возможно, понеже имать дѣло кругловидно и нигдѣ же кончающеся, имать же въ себѣ градъ той сто воротъ, коимъждо вратомъ приседяще особному князю, ему же поддана суть десять тысящъ воинства готово на всяко время и николи же оскудевающе, понеже число ихъ полно бяше, посреде же себе [Себѣ — У.] имать градъ той и царя всѣмъ повелевающа княземъ о немъ исходити на войны противу потребы. Имать же часть сия и Тартарію великую, еже есть царство Хана [Хама — У.] великаго поганскаго, еже имать в себѣ градъ нарицаемый Квинцай, нашимъ же языкомъ нарицается небесный градъ, зело превеликъ, иже имать около себѣ мѣрою сто тритцать миль Италианскихъ, кождо миля имать по три версты рускихъ Имать же Ханъ той великій по вся дни стражу у двора своего тритцать тысячь вой вооруженныхъ пѣшихъ, 12,000 конныхъ. Друзи же геометрикове и историкове пишутъ, яко нѣсть града такова величествомъ.

Третія часть Европія сына Ноева Аѳета. Третія часть сына Ноева Аѳета нарицается Европія, начинаетъ же ся отъ моря Бѣлого Византійского и протязается къ Западомъ до великаго окіяна моря и до земли Ишпанскіе, і иныхъ западныхъ странъ и до Америки, ея же [ея — в подлиннике] нарицаютъ новый свѣтъ, и паки взимаяся къ сѣвернымъ странамъ до ледовитаго [Лѣдоватаго — У.] моря, въ ней же страны и царства многа и различны, яже суть есть первое царство и великое княжество Російское и Словенские, и иниіи народи различны: Русь, Поляки, Литва, Угры, Чехи, Мораве, Волохи, Мутіяне, Албани, Серби, Германи, и Нѣмцы, Испанія, Италія, и Римъ, і Виннцѣа. Францыя и островы Вританскіе и Албанские и кролевство Португалское, || Неополитанское, Новарское, Датцкое, Аглицкое и Шкоцкое, Свѣйское, и иные великія княжества и страны прилежащія великому окияну, иже прежде вси едину вѣру и истое крещение приемше еще при великомъ Константинѣ Ѳлавіяня и вси равно содержаху православную вѣру многая лѣта. Нынѣ же по навожденію дияволю въ западныхъ странахъ, яже суть въ Италіи и во Испаніи и въ Германіи и во иныхъ Нѣмецкихъ странахъ, разсѣяшася въ различныя ереси приемше учителя по своимъ слабостямъ, и кождо своя мудрствоваху, яко же хотяху, отъ нихъ же и имена вѣрамъ своимъ изложиша, и друзиі убо нарнцаются Папежницы, и иниі же Лютори отъ нѣкоего еретика именемъ Мартына Лютора и ини же Колвинцы, и Гусати отъ нѣкихъ еретикъ Колвина и Яна Гуса, и отъ Филиппа нѣкоего рекомаго Мелентора, и ини же Аріане, пріемше Аріева бѣсования, друзіи же новокщенцы, иже двожды крещающеся первое точию водою, второе же масломъ помазуются, и двои имяни нарицахуся, къ симъ же мнози народи совратишася слабости ради, и отеческая предания и церковныя пѣния и посты премѣниша, точію Російскія страны содержатъ прежнее православіе, аже прияша отъ Грекъ. Зѣло же преізобилна часть Европия всѣми благими земными, хлѣбомъ и овощами различными, и златомъ и сребромъ, і воздухъ имать теплъ і хладенъ, яко умѣренъ, и люди зѣло премудри, и всякой хитрости умѣтелны, и князи и держатели имать многи, и гради прекрасніи и зѣло тверди, яже послѣди сказано бысть по различію земель, языцы же имуть различни, но вѣрніи вси, аще и ереси многи суть в нихъ, но обаче вси крещени и поганство въ нихъ ни идолослужение не обрѣтается, и сия часть яко же глаголютъ премудріи лучшая есть на вселеніе.

 

Знаки царствъ и государствъ и мѣстъ и украинъ, которые подъ которымъ знаменемъ небеснымъ двунадесяти лежатъ.

 

1) Мартъ. Подъ овеномъ.


[Въ подлинникѣ разрисованный красками знакъ овна]

 

Нѣмецкая земля. Францыя, Ангелія, малая Польша, Бургундія высокая, Швабская земля, Сленисъ, Бедензея, Бустереихъ, Неополисъ, Ѳларентия, Ѳеррада, Брунсвихъ, Утрехтъ, Лендавия, Краковъ, Падва.

 

2) Апрѣль. Подъ телцомъ.

 

[Въ подлинникѣ знакъ телца].

 

Турцыя, великая Польша, Бѣлая Русь, Кампания, Ресъ, Шванцарская земля, Ѳранкония, Летварингия, Швецыя, Ирландія, Бургнесъ во Испаниі,. Болонія, Мантва, Сена, Люцерна, Гнѣзна, Познань, Липскъ, Перусиа, Карлетадия, Парма, Новоградия. ||

 

3) Май. Подъ близнятами.

 

[Въ подлинникѣ знакъ близнецовъ].

 

Египетъ, Армения, Ѳрандрия, Брабанцыя, Буртемберскій край, часть Ленбардіи, Норенбегъ. Анолшпагъ, Леваниумъ, Мугунцыя, Банбергъ, Кишенгенгъ, Гасфуртъ, Лиидинумъ, Кордуба.

 

4) Июнь. Подъ ракомъ.

 

[Въ подлинникѣ эвакъ рака].

 

Шкоцыя, Бургундиа, Голяндрия, Зеляндрия, Константинолисъ, Ѳунасъ, Винетія, Гента. Лука Миланъ, Берна, Триенъ, Понормъ в Сицыліи, Лебекъ, Мардебургъ, Прусия, часть Боваріи, Брюдебурхъ Мархия, Ческаа земля.